壹傳媒正擬削減成本開支,減人計劃已密鑼緊鼓。
作為《蘋果》的決策與執行人,今日在這裏寫甚麼都不會有好下場。但我責無旁貸,不敢推卸責任。
一早有前輩同我講,做得阿頭,就要預咗做壞人。裁員、炒人、鬧人、嚇人、插人、抦人……乜都係你做。諗落都啱嘅,無理由做阿頭嘅,錢又多權又大,然後好人又係你、英雄又係你,俾人鬧嗰個又唔係你,邊有咁着數吖?
後話
每一次裁員風波裏,總有人說:「點解唔炒啲人工貴嘅高層員工?炒一個可以救番好多個平人工的低層吖!」
首先,甚麼是人工貴?甚麼是人工平?站在管理層的立場,一位十萬元月薪的高層員工,他所做嘅嘢值十二萬元,又或者他的市場價值是十四萬元。那麼,他便超值二萬至四萬元,屬於平的員工。
相反,一位一萬元月薪的低層員工,他所做嘅嘢只值八千元,或者市場價值只是六千元,那麼,他便多領了二千至四千元,屬於貴的員工。
堅哥電郵:[email protected]
逢周二、四、六刊出