可頤認為內地及馬來西亞的效率好厲害,香港人要急起直追。加上製作質素今非昔比,她說:「香港製作無論鏡頭、技術、製作、燈光都要進步,配合革命,機器先進其他嘢唔改進亦都冇用,今時今日visual好緊要,啲嘢唔靚好難吸引人欣賞,我覺得香港仲需要空間去研究改進。」
可頤以早前跟張家輝合作拍警匪片為例,她說:「我心諗家輝拍警匪片唔使拍到咁靚仔,發覺唔係本土警匪片就係土炮嘢,好rough(粗糙)、好渣,你睇美劇各方面都做到最好,唔會有鬆懈,唔會因為覺得本土嘢就忽略。又接拍咗《香港華爾街》,係一個精裝炮製電視劇,每個部門都做得好精緻,可以拎出去國際見人,呢個香港仲要進步,有條件之下係要做到最好。」