要數韓國現時最紅嘅小童星，大家第一時間諗到嘅一定係KBS電視台人氣節目《超人回來了》入面，男星宋一國嘅三隻小魔怪大韓、民國同萬歲。

不過其實SBS電視台亦都有個BB代表，佢就係節目《Oh！MyBaby》入面，混血男星RickyKim嘅可愛囝囝泰吳。

泰吳由上節目開始，已經被外界話佢係同男團EXO成員Kai好似樣，而泰吳喺節目上，成日都會展現佢「擦得」嘅一面，雖然年紀細細，但無論係炸醬面又好，炸雞又好，豬腳都好，泰吳都會食得好滋味，令觀眾睇得好開心。

今日《Oh！MyBaby》節目組，就公開咗泰吳同爸爸RickyKim去士多啤梨農場嘅新相，相中着住紅色衫嘅泰吳，繼續發揮佢食神嘅一面，將大大粒士多啤梨摘咗落嚟之後，就極速塞入口，可愛程度爆晒燈。