林依晨今晚與交往2年男友嘅林于超，假台北國賓飯店訂婚，並筵開50圍，「超強前男友」團應邀出席，包括因為「房東涉毒」一事，而令友情備受考驗嘅陳柏霖及柯震東，柏霖喺訂婚晚宴中有同柯震東打招呼，但因為坐得比較遠，所以一開始未有時間傾偈。

其他出席賓客仲有陳曉東﹑胡歌﹑施易男﹑許瑋甯﹑楊丞琳﹑陶晶瑩﹑陳建州﹑范瑋琪﹑楊謹華﹑張睿家及柴智屏等，至於依晨好友鄭元暢，因為工作在身無法出席。

「大仁哥」陳柏霖依從電視劇《我可能不會愛你》片中之約，帶咗10萬元台幣大利是，到現場祝賀「程又青」，仲模仿片中情節，送卸妝用品畀新郎，要佢體貼老婆。