當年今日
關於我們

【志村離世】少爺占曾為爺爺配音:希望佢喺天堂同阿占快樂地生活

蘋果日報 2020/03/30 14:15

病逝少爺占Donald阿笨與阿占志村健

日本殿堂級喜劇演員志村健,今日傳出因武漢肺炎病逝,終年70歲。志村健主持過無數綜藝節目,以《志村動物園》最受亞洲觀眾歡迎,尤其是《阿笨與阿占》,無綫於06年播出第一輯節目,並由當年的男子組合I Love U Boyz(艾粒)成員Donald及少爺占聲演阿笨和阿占,由於反應熱烈,翌年再添食,所以阿笨和阿占是伴着香港人成長,是大家的集體回憶。
少爺占和Donald今日都有在IG悼念「爺爺」志村先生,阿占貼出有聲post:「爺爺㗎,bye bye㗎,去搵阿占㗎,多謝你㗎。」Donald則說:「再見爺爺,感謝你為地球帶來愛和歡樂。」
少爺占今日以短訊回覆《蘋果》,表示自己在第二輯有為爺爺配音,他說:「前兩日夜晚,我個仔同爺爺嫲嫲先開番嚟睇,阿仔都唔知我係配阿笨定阿占,因為第二輯嘅阿笨、阿占同爺爺,我都分別配過,每次見到爺爺都係開心嘅,因為佢係頭同尾出場,一係畀任務,一係佢哋順利完成任務,我哋仲特登將日本人講廣東話嘅口脗加咗落去爺爺度:『係㗎,阿笨阿占㗎』大家知我哋一用呢個語氣就係爺爺出現囉,希望佢喺天堂可以同阿占快樂地生活落去啦!」而Donald亦有相同感覺:「每一集結尾,阿笨阿占完成任務返到屋企的開心樣最難忘。」
empty
empty
(無綫電視截圖)
empty
阿笨與阿占
empty
少爺占難忘志村先生每次出場都是帶給人歡樂(IG截圖)
empty
Donald(IG截圖)
empty
志村先生曾經去探過阿笨和阿占的下一代