【溫碧霞專訪.採訪手記】戀愛中嘅女人 骨子裡嘅嫵媚
溫碧霞採訪手記
提起溫碧霞,一定諗到佢喺電視劇《火玫瑰》入面嗰個永遠keep住跌膊嘅海潮造型,簡直係奠定咗佢喺性感女神界嘅地位。
不知不覺,《火玫瑰》已經係1992年嘅事,25年後,溫碧霞已經51歲,今日着住粉紅色吊帶喱士連身裙,無論溫柔嘅語調、舉手投足,依然散發住性感同女人味,真正嘅性感唔在於年齡,真真正正騷在骨子裡嘅嫵媚,唔係單靠豐滿上圍同露肉。
雖然每字每句話享受一個人嘅感覺,但溫碧霞講到丈夫何祖光,就不自覺流露戀愛中女人嘅甜蜜,或者現實世界中嘅童話故事就係咁,有高低起伏,但仍然充滿火花。