吳鎮宇喺《逆流大叔》入面飾演一個MK阿叔「阿龍」，近日佢接受電台節目《舊日的足跡》訪問嘅時候，就講到其實佢好鍾意呢個角色，佢話：「好有MK feel，因為我係喺旺角長大，曾經喺奶路臣街旁邊嘅地鐵站出口做小販，最難忘嗰種『搵朝唔得晚』嘅心情。」

鎮宇又講到比起喺《衝上雲霄》演嘅Sam哥，佢更加鍾意阿龍呢個MK阿叔嘅角色：「我第一次着上嗰套飛機師制服，chok住演出十分尷尬，嗰個係我最難駕馭嘅角色。」鎮宇仲爆咗Sam哥個髮型係佢自己諗嘅。

鎮宇除咗係一個出色嘅演員，仲係一個好爸爸，節目中講到幾年前同囝囝拍大陸嘅真人騷嗰時整傷留疤，鎮宇話自己除咗感到不快之餘，亦後悔返香港之後冇拆線再縫傷口，或者會令疤痕比較唔顯眼。但佢都安慰自己同囝囝，好似吳彥祖咁，唔少靚仔嘅眉都留有疤痕，自己也因為細個同爸爸出街嗰時整傷。

鎮宇嘅囝囝遺傳到爹哋嘅表演天份，而鎮宇本身則遺傳咗爸爸嘅大廚本領，任何菜式只要睇過都可以煮出嚟，不過鎮宇就話冇興趣參與烹飪節目，最大的心願仍然係繼續撐港產片。

精選娛聞，喺晒《娛果》
http://fb.com/appledailyent