66歲鄒婆婆的愛女阿玲罹患末期腎衰竭，受盡折磨。今年5月，家人掏盡積蓄加上借貸，才籌足手術費送她往廣州接受腎臟移植，可惜手術失敗，生命危在旦夕。曾經多次中風以致行動不便的鄒婆婆，只能在港乾着急，目前更面臨經濟困境。蘋果日報慈善基金即時發放緊急援助金予她。

記者日前來到鄒婆婆家中探望她，還未坐下，她的眼淚已奪眶而出。「我最錫呢個女，佢病咗足足十年，點知有機會做手術又失敗，𠵱家醫生同佢搶救緊，情況唔係好樂觀，我又上唔到去睇佢，惟有同個仔電話聯絡。」

難負擔洗腎費用
早年與丈夫仳離的鄒婆婆，育有兩女一子，年齡由32至40歲。其幼女阿玲十年前罹患腎病，01年腎臟完全喪失功能，需每星期到洗腎中心洗腎兩次，每次費用900元。
由於難以長期負擔，阿玲其後轉往深圳洗腎，費用便宜一半。
鄒婆婆哭訴，阿玲輪候腎臟移植已有數年，惟一直無止境等待。故此，次子四出向人借貸，加上微薄積蓄，好不容易籌得數十萬元，於本年5月將阿玲送往廣州接受移植手術，可惜希望竟變成失望，手術最終失敗。
「因為傷口受細菌感染，發炎含膿，醫生同阿玲做咗幾次手術，但情況重好差，惟有割番個腎出嚟。𠵱家阿玲重昏迷緊，未度過危險期，大女同二仔已經去咗廣州。」鄒婆婆痛哭着說。