金像影后姬妮芙柏露（Gwyneth Paltrow）營運多年嘅生活網站Goop，去年獲得3間資本管理公司斥1,000萬美金注資，不過開業以來受盡批評。

姬妮芙早前推出嘅一款以太空衣原料作招徠嘅治癒貼產品Body Vibes Stickers，標榜原料Conductive Carbon係由美國太空總署（NASA）研發而成，直指太空衣亦用這種原料來監測太空人體內狀況，聲稱用家貼上皮膚可增強修復能力，形容可以平衡人體內能量，帶來舒緩效果，並有減輕焦慮及醫療痛症等功效。

不過呢款每24張一盒嘅治癒貼索價120美元（約936港元），更惹來NASA方面發聲明指責，踢爆姬妮芙嘅Goop有誇大成份及欺騙消費者：「太空衣沒有加入Conductive Carbon。」被公開批評後，Goop立即在網上刪走標榜NASA嘅相關字眼。