當年今日

偕蔡一智夫婦睇戲直落
Chilam靚靚拍拖賀攞獎

蘋果日報 2012/01/11 00:00


一向稱兄道弟的張智霖(Chilam)和草蜢,日前在《勁歌》頒獎禮分別得獎,皆大歡喜。前晚Chilam偕老婆袁詠儀(靚靚)相約蔡一智夫婦,結伴到中環食飯兼睇戲慶祝有獎落袋,同場還有梁烈唯帶同女友出席,眾人心情靚絕。
無綫《2011年度十大勁歌金曲頒獎典禮》日前終於曲終人散,但部份賽果備受爭議,可謂有人歡喜有人愁,其中好兄弟張智霖和草蜢亦有得獎,Chilam憑《戀上外星人》奪金曲獎,草蜢的《華麗舞台》也入選金曲之一,三子還得到最受歡迎組合金獎,雙喜臨門。為慶祝齊齊得獎,Chilam前晚帶同袁詠儀相約蔡一智夫婦,到ifc國金軒食飯慶祝,其間有朋友送上蛋糕祝賀。
empty
袁詠儀和蔡一智老婆傾到雞啄唔斷,冷落了在旁的蔡一智。DV圖片
梁烈唯冧女
除了Chilam、靚靚和蔡一智夫婦外,同行還有梁烈唯和女友,兩人十指緊扣相當恩愛。一行人食飽之後,再行到戲院睇九點半場,睇戲直落慶祝。
阿智和Chilam前晚慶祝前,先到土瓜灣綵排下周五舉行的關心妍(Jade)紅館演唱會,現場還有蘇志威,不過蔡一傑因有事而缺席。阿智和蘇志威大讚Jade身形弗爆,Jade自爆每日做250下situp,另外又跟草蜢御用健身教練狂操,她透露在個唱中會與草蜢表演十多分鐘的勁歌熱舞,她笑說:「真係攞命,可以話係我入行以嚟顛峯之作。」Jade感激草蜢答允做嘉賓,並笑言不知何時才可以還清這個人情債。
empty
張智霖和靚靚相約梁烈唯及女友食飯睇戲,其間梁烈唯和女友十指緊扣。
剪爛Jade衫
阿智和蘇志威搞笑地要求Jade屆時要大騷22吋小蠻腰,他大讚Jade說:「佢真係好有恆心同勤力,呢啲勤力嘅人真係抵錫。」在旁的蘇志威笑說:「咁弗冇理由唔騷吓性感吓,如果佢唔露,我就會剪爛佢件衫,點都要佢性感。」
採訪:魯萍、張俊銘 攝影:陳慧安
empty
關心妍前晚和蔡一智(中)及蘇志威(右)綵緋紅館騷。