父親節最令人頭痛的事一定係買禮物，老竇食鹽多過我哋食米，做咗咁多年人又真係咩都有齊……不過自從同歌神許冠傑之子許懷欣傾過偈之後，就知道送禮其實可以好簡單，每年送同一款的禮物做同一件事唔係問題，重要的還是大家相處有溝通，有共同話題才是最好嘅父親節禮物！係老生常談，但又有幾多人做得到？

記者：黃藹瑩
攝影：林栢鈞
鳴謝：油麻地美都餐室（23846402）

打算送啲乜？

對Daddy許冠傑的嗜好可謂絕對了解的Ryan（許懷欣）揚言最想送的始終係寶馬Z4跑車，不過今年就仲未有能力送得到，所以會照舊送旅遊書做父親節禮物。「我Daddy好鍾意陽光與海灘，佢每個月都總會出海一至兩次，所以父親節當日都會同佢出海，順道我亦會買一本旅遊書俾佢做禮物。（咩旅遊書？）總之係介紹陽光與海灘的旅遊書就得！」

最難忘的父親節

「細個無錢買禮物畀Daddy，不過最難忘係初中的時候，好辛苦儲錢請Daddy食咗一餐飯，見到Daddy好開心自己都好滿足。」

父子皆是處女座

本以為自初中的時候就到了美國生活的Ryan同Daddy的關係有些距離，點知佢兩父子之間唔單止冇隔膜，而且一直以來都好夾好Friend，無論係嗜好定對創作的完美追求都好一致，即使兩父子現在不是住在一起，但仍保持每幾日就通一次電話，每星期全家出來聚一聚。
小記認識的處女座朋友全都是腌尖腥悶，每件事都追求完美而且極難服侍，9月3日出生的Ryan同9月6日出生的Sam同是處女座，偏偏處女座獨有的完美主義追求令兩父子Friend過打band，「其實處女座的人唔單止係完美主義的追求者，而且重好Creative，我同Daddy最夾的應該係呢方面，好似做音樂咁，咩題材都會試寫試彈，我哋亦好尊重大家定的Idea，做到好的音樂時大家都會好興奮；其實除咗音樂之外，我同佢都好鍾意畫畫，以前我在美國都有做過GraphicDesign。」

音樂路線不同

有個歌神老竇，相信對同是玩音樂的Ryan都構成一定的壓力。不過出道咗年幾的Ryan自言音樂路線不同，壓力都是正面的能量。「Daddy係歌神喎，香港人對佢同佢嘅歌都好熟悉，若然同佢比較的話一定冇得比，所以我唔會同佢比較。我玩HeavyMetal、佢玩Pop同抒情，佢嘅歌好適合香港本土的Market，但我走的獨立搖滾路線就未必咁大眾化，唯一相似的，可能係大家對創作都有好高要求！」

明星打算送啲乜？

打算送啲乜？

「我屋企人全都喺加拿大，我已有兩年冇見過Daddy，佢係個好樸素的人，亦都唔多追求物質享受，所以都係會買樣實用的禮物畀佢。Daddy平日只愛着沉色衫，不過就偏偏有件紅色冷衫，件冷衫已經好殘，我諗住買過件寄畀佢！」

最難忘的父親節

「細個的時候我一定會每年自己親自整張卡俾佢，不過𠵱家就冇時間喇，但我最Surprise的都係Daddy識得用MSN同Webcam同我喺上網傾偈，見到佢逐隻字用手指篤，好感動。」

打算送啲乜？

「我Daddy的衣着好有型，有時佢見到我嘅衫好型，佢就會即刻問我有冇男裝，邊度有得賣！有次我着咗件APE的T-shirt，佢都問我要一件。今年我應該會買DSquared或者LV的恤衫畀佢。」

最難忘的父親節

「試過有一年父親節親手整咗幾個BlueberryMuffin畀佢食，佢讚好食之餘亦帶咗返公司畀其他同事食。」

打算送啲乜？

「今年比較忙，可能成家人坐低食餐飯已經係好好的禮物，平日我Daddy愛煮飯，父親節就應該畀佢休息一下，出去食舒服啲。禮物我通常會交畀家姐負責，上年我哋送咗鬚刨，今年可能會送恤衫，佢返工用得着嘛！」

最難忘的父親節

「最懷念我細個的時候可以同埋嫲嫲成家人一齊食飯！」

打算送啲乜？

「我爸爸的身體健康唔係咁好，所以平日我同家姐都會禁止佢食啲肥膩食物，父親節就一於畀佢放肆一次，食佢鍾意食嘅嘢。」

最難忘的父親節

「最難忘的父親節同慶祝無關，上年父親節我老竇嚟咗我屋企探我，咁啱又跑緊馬，我哋兩父子一齊買馬。以前我只係做旁觀者的角色，𠵱家大個咗就同老竇買埋一份，個感覺好特別好溫馨。」

最熱門父親節禮物

雖然最老土嗰句話孝順就係最好的父親節禮物，不過為防爸爸會妒忌媽媽母親節有禮物收而佢冇份，少少錢都係唔慳得。

你會買咩父親節禮物？

（a）agnesb（25766784）　
（b）SOGO百貨公司1/F（28338338）　
（c）LouisVuitton（81001182）　
（d）Cross（25227560）