日本童星濱田龍臣已經大個仔，佢曾經與福山雅治合作拍廣告，又喺NHK大河劇《龍馬傳》中扮演主角福山雅治嘅童年，更參演過真人版日劇《怪物小王子》及電影《神勇飛鷹俠》等，去年仲榮升主角演出全新《超人Geed》擔任主角，係史上最年輕嘅鹹蛋超人。

現年17歲嘅濱田龍臣除忙於趕拍4月開播偶像劇《花過天晴～花男Next Season～》外，其主演嘅《超人Geed》最近都有電影版於當地上映，今日仲趁開畫日率片中拍檔到戲院謝票。活動結束前，拍檔小澤雄太突然讀出向濱田龍臣寫嘅一封信，大讚濱田龍臣在片場為大家帶來歡樂，又回顧去年拍攝時：「充滿精力充沛的16歲龍臣，無時無刻也展露燦爛笑容。」濱田龍臣聽完竟感到得哭成淚人。濱田龍臣在《超人Geed》中飾演史上最年輕嘅人間體朝倉利克，佢幼稚園開始已希望可以成為超人，冇諗過上年已經達成呢個夢想。

精選娛聞，喺晒《娛果》
http://fb.com/appledailyent