【本報訊】今年69歲的有婆婆，形容自己「成世都好黑仔」，父母早喪自幼是孤兒，兄長早逝她又負責照顧4名侄女，加上自己的獨生女擔子不輕，多年來她一一捱過。可惜2014年確診腸癌，兩年後女兒又因藏毒罪入獄。多年來，她掛念獄中女兒，家裡一直保留女兒的空床，盼望成功控制癌病，等待3年後女兒出獄一家團聚。

記者：林穎嵐　攝影：林熊

有婆婆稱，2014年確診腸癌後曾兩次做手術切除腫瘤及接受化療後成功控制病情，但今年起癌細胞擴散肺部，「依家每個月攞3000蚊傷殘津貼，棺材本都攞埋出嚟醫呢個病。」醫生指她必需接受8次標靶藥治療，但每次費用2萬多元，她根本無力負擔。

睇嘢兩個影 食藥要靠摸

有婆婆的家，雜物散落一地，床邊地上放4，5個暖水壺，床邊又掛滿環保袋，地上更有幾個痰罐。「打針之後，即係吊嗰啲『毒藥』啊......每次都又屙又嘔，拎嘢又拎唔到，都冇力，成屋嘢都要搬晒落地。」禍不單行是視力急速退化，「依家睇嘢得兩個影，近呢兩至三個月對眼越嚟越差，食藥靠摸，摸出嚟戴番副眼鏡就睇到咩藥。」

有婆婆一生孤苦，父母早喪，自小是孤兒，婚後與港人丈夫育一女，夫婦分隔中港。1987年她由家姑申請來港，可是抵港後才知丈夫已去世「當時個人冇晒反應，連喊都喊唔到，日日顧住返工。」其後連最疼錫她的家姑亦去世，「佢(家姑)好錫我，死之前申請埋我落嚟先。」

為生活，她一人租住油麻地的樓梯底板間房，月租400元，「嗰時我日日返工，做三份工，一份返超級市場執紙皮，一份做清潔，一份酒樓洗碗，三份工加埋搵3000蚊。」

其後有婆婆唯一的一名哥哥亦在內地猝逝遺下4名女兒，她二話不說肩負起撫養亡兄4名女兒的重擔，她其後申請女兒來港，兩母女「搬咗去旺角山東街住。」提起女兒，說話氣若柔絲的她變得哀傷，淚流滿臉說：「我唔會死！點都唔可以死！一定要等到我個女返嚟。」

盼等到獨生女出獄 一家團聚

女兒是有婆婆錐心之痛，她指女兒婚後遷出偶然才探望，最痛心是2016年女兒因藏有氯胺酮(K仔)被捕罪成判入羅湖懲教所服刑，至2021年才出獄，她自責與早年忙於工作疏於管教有關。

不過她還是只記着女兒種種的好，「嗰時佢知我有病，仲有問候我，點知有次我做完手術返嚟，佢就冇再嚟睇過我。」重病在身，有婆婆家中最整齊角落就是女兒的睡床，「我係打完針好唔舒服先會喺嗰度攤下咋，好乾淨㗎。」而且經常替空床換床單，為的是盼望女兒有日回家，「等佢返嚟有個乾淨地方瞓嘛......其實佢都好乖女㗎，佢同我講啊『老公死咗可以再嫁過，阿媽死咗就冇㗎喇』。

「有婆婆」現無力負擔自費標靶藥費，「蘋果日報慈善基金」關顧主任正關注她的情況。

「有婆婆」暖流之友編號：C4523

網上捐款： http://bit.ly/applecharity想知最新好人好事？即like蘋果基金fb：http://www.fb.com/adfundhk

「蘋果日報慈善基金」聯絡方法：
電話：29908688
傳真：23076307
電郵：mailto:[email protected]
WhatsApp：98627828
網址： https://hk-charity.nextmedia.com
facebook專頁： http://www.fb.com/adfundhkYoutube頻道：http://www.youtube.com/adfundhk
「蘋果日報慈善基金」接收捐款戶口：
滙豐銀行：580-198836-001
恒生銀行：368-006565-001
中國銀行：012-898-00067655
東亞銀行（往來戶口）：015-514-68-01678-5
如讀者市民捐款至殮葬專戶，請於入數紙／支票背面寫上S0004專戶編號，然後電郵／傳真／WhatsApp訊息／郵寄予本基金。
如捐款至指定暖流之友，請於入數紙／支票背面寫上其暖流之友編號，然後電郵／傳真／WhatsApp訊息／郵寄予本基金。