馮仁昭四圍超：
《花田囍事》賀歲檔首日最強 黃百鳴無視志偉：我同自己鬥 - 馮仁昭
蘋果日報 2010/02/13 00:00
四套華語賀歲片《花田囍事2010》、《72家租客》、《錦衣衛》同《蘇乞兒》前日搶閘上畫，為咗成為賀歲片票房第一，幾套戲嘅演員連日嚟都鋪天蓋地咁出席宣傳活動。
黃百鳴噚日率領吳君如、古天樂同鄭中基坐開篷巴士出現九龍灣，為《花田》造勢，其間更向途人大派用嚟買飛嘅10蚊代用券利是，巿民爭相領取。
黃百鳴噚日率領吳君如、古天樂同鄭中基坐開篷巴士出現九龍灣，為《花田》造勢，其間更向途人大派用嚟買飛嘅10蚊代用券利是，巿民爭相領取。
古天樂向圍觀巿民大派買戲飛平10蚊嘅coupon利是，個個爭住伸手要。
吳君如要打爛哈哈笑圖樣嘅冰雕，寓意電影夠「爆笑」，但佢似乎好驚碎冰入眼。
《錦衣衛》落後
今年賀歲票房爭崩頭，根據香港影業協會資料顯示，以首日開畫票房計算，47間戲院上映嘅《花田》暫時以905,000港元暫時第一，《72家租客》則有42間戲院上映，以70萬票房排第二，《蘇》片就收51萬屈居第三，遠遠拋離35萬嘅《錦》片。其中《花田》同《72家租客》日前分別上咗5場特別場，累積票房計，前者已收171萬，贏對手30萬。
《花田》優先場加首日開畫票房暫時領先贏第一仗，有份主演嘅君如講笑話唔會好似有人口出狂言踩其他人，而鄭中基就信心爆棚話會蟬聯賀歲片第一，黃百鳴又話內地首日票房升咗7成。咁係咪已經剝咗曾志偉棚牙？黃百鳴笑笑口話係應該贏志偉：「已經留咗位畀志偉睇《花田》，但驚佢唔敢嚟，今次目標係要同自己鬥。」
君如做埋宣傳就趕住飛泰國會合屋企人過年，佢話呢次黃百鳴同志偉嘅牙骱戰其實係宣傳好橋，君如仲大講爛gag：「我稍後會包場同囡囡睇《花田》，不過我唔係要谷票房，因為我唔係牆紙『包牆』。」
《花田》優先場加首日開畫票房暫時領先贏第一仗，有份主演嘅君如講笑話唔會好似有人口出狂言踩其他人，而鄭中基就信心爆棚話會蟬聯賀歲片第一，黃百鳴又話內地首日票房升咗7成。咁係咪已經剝咗曾志偉棚牙？黃百鳴笑笑口話係應該贏志偉：「已經留咗位畀志偉睇《花田》，但驚佢唔敢嚟，今次目標係要同自己鬥。」
君如做埋宣傳就趕住飛泰國會合屋企人過年，佢話呢次黃百鳴同志偉嘅牙骱戰其實係宣傳好橋，君如仲大講爛gag：「我稍後會包場同囡囡睇《花田》，不過我唔係要谷票房，因為我唔係牆紙『包牆』。」