美國男歌手JohnLegend嘅模特兒太太ChrissyTeigen正懷孕，佢哋首個BB將會喺4月出世，肚大如籮嘅佢前日仲同老公一齊出席喺邁阿密舉行嘅雜誌《體育畫報》。

Chrissy喺大肚前為《體育畫報》拍攝嘅性感寫真，近日就公開咗啲拍攝花絮，Chrissy係喺非洲桑給巴爾島取景，拍攝時佢連三點式都冇着，只係浸喺水度雙手掩胸，下身由工作人員喺重要部位貼上水晶，相當誘人。Chrissy受訪時仲話佢影呢輯寫真嘅時候，其實做咗人工受孕，佢仲話就算當時就算陀咗B都一樣會照影咁話。

至於另一模特兒GigiHadid都為《體育畫報》影咗輯索爆寫真，佢唔單止露半球，仲着住件細碼比堅尼落水，同樣噴血度爆燈。