大劉劉鑾雄、甘比同囡囡秀樺、細劉劉鑾鴻同老婆Linda、劉媽媽、胞妹劉玉珍，今日一行七人去灣仔福臨門飲茶，瘋狂粉絲Alice又出現，癡癡地等大劉。

當大劉真係壓軸出場時，Alice亦係時候出擊，拗晒腰避開保鑣防線，想騷佢張巨型自拍照。惟恐大劉仍然feel唔到佢存在，於是Alice大大聲問大劉：「老竇，Michelle靚唔靚？」Michelle？李~嘉~欣？

之後Alice反問記者﹕「我似唔似李嘉欣？」又話覺得自己有負面影響力同重要性，因為咁先至畀保鏢攔住。等待期間，Alice唔多肯上鏡，仲攬實條柱遮掩，大呼： 「我要做處女！」


大劉一家食咗個幾鐘離開，大劉親自送媽媽上車，再同甘比、秀樺同車走，問大劉有冇聽到Alice叫佢做老竇？有冇回應？之後佢黑面上車走人。

唔知大劉聽唔聽到Alice嗰句﹕「我要做處女﹗」呢？