可以想像,大家帶着年初五個樣返工是何其壯觀,就算收多幾封開工利是都補唔番。不過無論你塊面點黑,都肯定黑唔過MichaelKeaton(黃聖依除外)。《飛鳥俠》在奧斯卡大擸四獎(最佳導演、最佳電影、最佳原創劇本、最佳攝影),唯獨Michael在一片呼聲中失落影帝。又話今屆冇黑人提名?明明Michael塊面仲黑過MichaelJordan。
好啦,痛苦已僭建在他人身上,係時候介紹番主題——WhatwetalkaboutwhenwetalkaboutOscars。作為全球最矚目的電影頒獎禮,你大概預計到有幾多商業元素置身其中。所以當MarionCotillard、ReeseWitherspoon等女星在紅地毯上公告裙子是CHANEL、Dior還是TomFord;TheLonelyIsland伴隨一班Lego人仔演繹《EverythingIsAwesome》;又或者有貌似MattDamon的會計師上台宣傳PwC,你也不會大驚小怪。至於有人彈主持NeilPatrickHarris仲悶過李思捷,又好學唔學,學TVB訪問素人,杜秋棠認為總好過聽「明珠三寶」宋熙年、張曦雯同蘇頌輝吹水虛渡光陰。
杜秋棠沒有「奧斯卡神婆」畢明的未卜先知奇技,只能馬後炮做賽後報告赴會。我認我係刨冷,tip了Michael同RosamundPike封帝后,燈死他們我沒太大意外,反而想藉此向老友道歉,要你們硬食喊樣emoji係我唔着(宋文還吃了我一拳)。想深一層,雖則我拒絕承認JulianneMoore和EddieRedmayne演技稍勝,至少我認為奧斯卡評審做對了事——Juliane和Eddie的戲中角色,一個Alzheimer'sdisease,一個ALS,都是難治之症,兩人如今奪獎,間接令世人對這兩種疾病加深了解,再次證明電影提供娛樂之餘,也發揮宣揚訊息的作用。
至於《飛鳥俠》幾乎捧走大滿貫,它的出色根本無需在此着墨,但還是要恭喜這位墨西哥導演AlejandroGonzalezInarritu。從來覺得Alejandro是嚴重被underrated,「死亡三部曲」(《AmoresPerros》、《21Grams》、《Babel》)沒為他帶來很大的名成利就(至少我認為),而他甚至要借《飛鳥俠》劇情,去自嘲多年來的懷才不遇。今日,他終於企上台,理直氣壯地呼籲美國要公平對待墨西哥移民,及要給他們應有的尊重。恕杜秋棠媚外,我認為只有奧斯卡才會將大獎頒予非我族類,遠在遠東,就算一個濕星歌唱比賽,也沒有這種氣度。
其實要討論今屆奧斯卡,真係一千字都講唔晒。但杜秋棠最深刻,依然係JohnLegend和Common領取最佳電影歌曲時,點名讚頌為民主、自由而抗爭的香港人。真係睇到眼濕濕呀!
撰文:杜秋棠@抽水站
https://www.fb.com/freakingwestlook