全球面對人口老化問題，未來潛力股一定走唔甩醫療、醫藥、健康相關板塊。最新「帶量採購」政策，內地都希望減低藥價，令全民受惠，面對經營環境大改變，獨立股評人古天后認為未來會陸續見到收購合併，「內地有個特色，任何行業都鍾意透過改革整合，趕絕小型企業」。

所謂「帶量採購」，其實是大型團購，採購規模需佔總使用量60%至70%，廠家按採購量報價及議價，價低者得。首輪帶量採購試點城市有11個。第二輪的帶量採購城市增至31個，每個藥品的中標者由1個增至3個。

綜觀上周二公佈的「帶量採購」情況，共有77家企業參與，當中不乏印度廠商及跨國公司，擬中選企業為45家，擬中選產品則多達60種。與2018年地區最低藥品採購價格相比，擬中選產品平均減幅高達59%，而與「4+7」試點中選價格相比，平均減幅亦達25%。

蘋果日報投資專欄作家唐牛預期，明年帶量採購會持續，倘藥企以價換量，會影響毛利，傾向具研發能力的股份。唐牛認為，仿製藥毛利受壓，相信藥廠會加快研發創新藥，開拓獨特性高的產品，推介方達控股（1521）。

獨立股評人古天后認為，「你入標都要做低個價，愈低先有機會中，自然影響盈利」，「內地有個特色，任何行業都鍾意改革，趕絕細企業，可以話無生存空間」，相信未來一年會陸續見到大藥企會收購小型藥廠。

古天后首推三生製藥(1530)，指公司去年收購日本化工企業，其中一隻藥是血液透析，「即係洗腎用嘅」，相信可於未來一年為公司帶來盈利增長。她續指出，市場上具血液透析功能的藥品不多，「洗腎唔係7-11咁多，不過身邊總有朋友個腎有事要洗腎，呢個業務都有一定賣點」，目標價14.5元，甚至有望挑戰15元高位。

至於點睇大市周三開市表現？古天后睇得較淡，「一日指數唔上返26,300點，個市都仲係弱底，只會係一浪低於一浪」，續指要留意中美貿易談判的進展，香港亦面對內憂外患，「唔好話企穩26,000點就可以開香檳」，反而提醒散戶十月份要加倍小心，既要留意英國硬脫歐死線，同時美滙指數高企，反映市場避險情緒高漲。

本周心水股

唐牛：百威(1876) 目標價$32
古天后：三生製藥(1530) 目標價$14.5

急CALL題目：醫藥股過山車 點分好嘢定衰嘢？

日期：9月30日（周一）
時間：7 – 7:30pm
主持：Willa
嘉賓：獨立股評人古天后
嘉賓：蘋果日報投資專欄作家唐牛

重溫網址：
果燃台
蘋果ATM Part 1
蘋果ATM Part 2
蘋果YouTube