【王宗堯被捕】泥鯭怒斥黐線製造白色恐怖：香港人唔會驚
蘋果日報 2019/09/30 12:11
王宗堯泥鯭
藝人王宗堯今晨7時許在寓所被警察上門拘捕，據知，警方以進入或逗留會議廳範圍、串謀刑事毁壞兩罪將王宗堯拘捕，並押往灣仔警總，香港眾志前立法會議員羅冠聰在facebook稱，案件與7月1日立法會事件相關。
曾多次上街和理非的樂隊RubberBand成員泥鯭，接受《蘋果》電話訪問怒轟：「黐線嘅，梗係吃驚啦，一起身已經好多朋友四方八面send message畀我，話Greg被拘捕，黐線嘅，根本就係白色恐怖，佢根本就要做到一個效果，就係所有有份參與反送中運動嘅人，尤其特別高調嗰啲，一定要拉咗佢咁樣。其實你睇下件事發展，香港警察已經係喺街上面見到人就拉、想拉就拉，呢啲邊度係法治呢！」
對於克警的濫暴行為，問到會唔會驚？泥鯭說：「所有愛護我哋呢個地方、即係香港人都唔會驚，要驚嘅應該係破壞法治嘅香港政府同香港警察。」最後，他以文字表態：「民不畏死，奈何以死懼之！」
右：IG圖片