【電影界向安室致敬】日版《陽光姊妹淘》晒冷trailer 經典重現
安室奈美惠Sunny篠原涼子友坂理惠廣瀨鈴小池榮子陽光姊妹淘
原名《SUNNY》嘅韓國電影《陽光姊妹淘》曾在亞洲各地大受歡迎,日本今年8月底將上映翻拍自呢套電影嘅同名新片,由日劇天后篠原涼子擔任成年版女主角奈美,渡邊直美、友坂理惠、小池榮子扮演冇見廿年嘅昔日好姊妹,而開拍期間曾鬧出易角風波,板谷由夏就執真木洋子二攤扮演患上絕症嘅芹香。
日版《陽光姊妹淘》近日再公開分半鐘全新trailer,篠原涼子同一班好姊妹嘅催淚場面自然感人,小池榮子不乏性感演出,友坂理惠更要淪落架步,至於青春女星廣瀨鈴則扮演奈美嘅少女時代,今次有佢同扮演初戀情人嘅三浦春馬戲份,由於故事回帶到90年代,不僅形象方面十分復古,更有大堆當年金曲穿插電影當中,包括安室奈美惠嘅《SWEET 19 BLUES》及《Don't wanna cry》等,令鍾意90年代J-POP嘅觀眾一定睇得更加投入。
由於安室奈美惠今年9月引退,除日版《陽光姊妹淘》外,澤尻英龍華主演新片《貓咪是要抱着的》都用上安室名曲《CAN YOU CELEBRATE?》同埋《Don't wanna cry》。澤尻昨日連同吉澤亮、KOM_I為電影出席試映場,佢今次扮演過氣偶像組合團員,片中要上演唱其偶像安室奈美嘅場面。
《SUNNY》預告Link
https://bit.ly/2sGHjWx
Lily Franky幫篠原涼子、渡邊直美搵昔日姊妹