張衞健和許志安早前拍攝內地劇集《伙頭智多星》,其中一場戲講述健仔參加一個美食大賽,要炮製一盆巨型盆菜,所以安排他吊着威吔,逐一把材料像骨牌般排列,希望給評判增添新鮮感。
最考腰力
一身廚神look的健仔在烈日當空下拍攝了三個小時,劇情講述他凌空將食物材料逐片逐片放入盆菜,這場戲其實很考健仔的腰力,他更不時要彎腰排食物。
健仔拍完這場戲後,即大呼十分辛苦,但為了拍攝效果更佳,他堅持親身上陣,他說:「我拍緊嗰陣時最驚唔小心跌落巨型盆菜裏面,因為啲食物暴曬咗幾個鐘,乜都臭晒啦!」健仔表示平時很喜歡食盆菜,他說:「因為我覺得盆菜裏面,有各式各樣嘅食物,好好味。」
耍手擰頭
可是當健仔完成這場炮製巨型骨牌盆菜的戲份後,對盆菜有點反胃,他耍手擰頭說:「我諗短期之內都唔會選擇食盆菜,因為見到都會諗番起拍呢場戲嘅苦處,真係有啲怕怕。」
採訪:比華利