英國萬人迷碧咸（David Beckham）老婆Victoria Beckham除咗時裝外，最近仲同品牌Estée Lauder合作出化妝品系列。Victoria為咗宣傳不惜化身為Beauty Blogger，拍短片示範化妝。Victoria喺片中展示佢嘅幽默一面，着浴袍但係戴黑超，扮講電話被人催佢快啲出門，佢就話俾多5分鐘佢就搞掂。

Victoria之後就講解佢至愛嘅妝容，不過唔少網民都唔係好buy佢呢段片。網民留言指Victoria聲稱5分鐘就搞掂晒化妝步驟，但係佢教學前已經好明顯上晒粉底、遮晒黑眼圈，又有網民話邊有人化晒妝先教人化妝。
不過亦有網民支持Victoria，指出佢喺片中已講名係再令個妝明亮啲，冇話由頭教到尾。