有線裁員｜陳漢威回顧16年生涯 難忘李慧詩倫奧摘銅：我係諗住攞金牌㗎
蘋果日報 2020/12/04 22:00
有線裁員陳漢威體育記者劉翔李慧詩世界盃
有線前體育記者陳漢威（前排左二）採訪12年倫敦奧運。相片由受訪者提供
1) 2012年見證李慧詩倫敦奧運摘銅
「我問咗佢一條bite，好深刻印象，真係冇諗過，佢話：『我係諗住攞金牌㗎！』大家覺得佢攞到牌已經係個bonus，點知原來佢係諗住爭冠軍。」
2) 2006年德國世界盃
「入到場嗰刻係瘋狂大嗌，作為一個專業記者應該抽離少少，例如唔應該同啲球星影相，但當刻我真係控制唔到。」
3) 2012年劉翔手術後出院
「呢次係生涯其中糾結咗好耐嘅一件事，到家陣都仲諗緊我當時做法啱唔啱。我哋膽粗粗跟住中央台追到VIP候機室，又冇人趕我哋走，當時我哋一定係全香港獨家可以採訪到劉翔嘅傳媒，但當時見到劉翔神情落寞，擱起隻腳，一直低住頭咁撳電話，佢應該都知道生涯應該到此為止，我係咪應該仲喺傷口灑鹽？結果中央台記者同我都冇發問。」
12年李慧詩奪奧運銅牌，陳漢威形容當時行家聲嘶力竭為她打氣。相片由受訪者提供
劉翔（圖）手術後，陳漢威追訪至機場候機室，他說劉翔當時神情落寞，他不忍上前訪問，至今依然為當日決定糾結。相片由受訪者提供
行內說體育記者四年一循環，結果陳漢威曾採訪世界盃、奧運、亞運、全運，超額完成「採訪大滿貫」。翁志偉攝
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！