潘頓是首位從韋達手上搶走冠軍寶座的騎師，剛周日（10日）竟肯跪下為他作狀擦鞋，盡顯世界仔本色，亦證明馬場無永遠敵人。

踏入豬年舉行過兩次賽馬都跑沙田，潘頓只能日行一善，表現不算突出，惟周三（13日）晚出師谷草，他卻有望連場數糊，因他今次接手多匹上仗由其他騎師搏失之馬，牌面相當硬淨。

一向自信心爆棚的潘頓，今季接手其他騎師搏失之馬，多次可即勝而回，強如雷神搞唔掂的「萬里威揚」和「動力飛鷹」，潘頓早前騎上去立即話贏就贏。由韋達騎開的「信心保證」，日前一轉手便由潘頓按韁取得在港首捷，有時真係抵佢牙擦！

周三晚潘頓共策七駒上陣，接手其他騎師搏失馬共有六匹之多。當中，第一場四班1200米「電子大師」，上仗配澳洲同鄉祈普敦屈居亞軍，換上潘頓有力補中。

第二場五班1650米「贏歌」，出王牌回師唯一上名同程，強配潘頓定有所圖。

今季潘頓接手史卓豐搏失馬，已有三駒可即勝，周三晚第三場四班1200米「盈華盛甲」值得睇好。

第四場四班1650米「活力勇士」，上仗配莫雷拉受阻大熱倒灶，轉配潘頓隨時馬上收復前失。

第五場三班1800米「合拍威龍」，上賽掟大彎入直路跑梗頸四，換上潘頓求變求勝。

第八場三班1650米「軍民歡」，上次發揮差致敗，潘頓剛周日可說已畀足面韋達，呢匹後者寶藏馬不會留手了。

-----------------------------------------
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI