今晨（14日）6點15分大圈耙地期間，練馬師高伯新（外號喼神）與騎師韋達站在馬房保安亭閘口，兩個一直雞啄唔斷，傾談超過10分鐘才各自離開，相信話題離不開周日（16日）兩匹合作馬，第一場四班1000米草地之「舉世無雙」及第六場四班泥地1650米之「快利寶」。

「舉世無雙」是四歲香港國際拍賣會新馬，雖然上季五戰只獲一季，暫與頭馬無緣，但其餘四場均所負不遠，今季原定於開鑼日上陣，但馬匹入閘後被卡住，最終退出比賽。今次鞍上人由史卓豐換上韋達，且看表現如何！

「快利寶」同樣是四歲香港國際拍賣會新馬，上季由韋達贏谷草1650米，打開勝利之門，今季首戰勝途大熱倒灶，今次轉戰泥地1650米，相信會換來較佳賠率，本身泥地1650米曾跑得接近，小心來一記回馬槍。