阿公蘇永康今日娶靚靚老婆Anita，又有咁多靚爆嘅兄弟姊妹團，自然更想將此珍貴一刻留住，故此請來專業拍攝隊紀錄一切一切，就連依家時興嘅直升機高空拍攝亦出動埋，但就發生咗一件非常「蝦碌」事件。

話說眾人影完相，童心未泯嘅張衞健同許志安竟然冇嘢好玩，玩到追拍攝隊呢架約值八千大元嘅直升機。點知追追下……隻飛機竟然走佬！自把自為飛走咗，就連負責操控嘅攝影師都搞佢唔掂，一臉尷尬。眾喪笑。