市面上有多款所謂運動口罩,不過化學博士鄺士山(K. Kwong)認為,口罩無分是否運動口罩,建議運動時使用保護性能強且透氣度高的納米口罩,國際標準是壓差需低於5mm H2O/cm2,「點解要成日強調納米,因為運動時會出汗,納米係唔怕汗,濕咗都用得,冇影響(防疫)」。他認為強制口罩令應列明是外科口罩,「你可以戴個疏晒窿嘅布口罩㗎嘛……證明佢整條例出嚟嗰個人唔識嘢囉,如果佢係識,就會講明係surgical mask。」
浸會大學體育及運動學系副教授雷雄德稱,「戴住口罩做運動一定唔理想㗎喇」,尤其跑步時戴口罩會較辛苦。對於市面上的運動口罩,他認為並無阻隔飛沫和病毒功效,「運動口罩都唔係隔病毒,係阻隔啲空氣入去,等你唔夠空氣情況下做訓練,所以運動口罩都幫唔到你抗疫」,現時防疫是最高考慮,不應冒險戴口罩外出運動。
長跑運動員姚潔貞表示,戶外口戴令實施必然對運動員練習有影響,她以自己為例,若戴口罩慢跑還可以忍受,但快跑就會太辛苦,一來「驚甩」,二來會頭暈。家中沒有跑步機,而體院的健身室每星期只能輪流使用個多小時,她惟有與丈夫開車到近郊找平路練跑,如有需要會戴立體剪裁口罩,以免汗水沾濕口罩。香港體育學院社區關係及市務總監李忠民稱已向政府查詢體院機構能否獲豁免。