【《真·三國無雙》導演】周顯揚粉墨登場 夥鄔君梅 張鈞甯做BAND仔
蘋果日報 2018/12/10 18:45
周顯揚張鈞甯鄔君梅真·三國無雙
周顯揚技癢登場，喺戲入面客串做BAND仔
導演周顯揚早前完成佢部作品《真·三國無雙》之後，嚟緊又有新搞作，今次佢搵咗鄔君梅、張鈞甯同黑仔姜皓文。可能上趟拍古裝片太辛苦，今次轉返拍時裝片，題材係講一個拳手嘅故事。至於演拳手嘅男主角，導演就話仲未可以透露，而戲名暫時仲未定。目前套片已經蹍轉喺上海同杭州開工，周顯揚話講返上次同張鈞甯合作，要數到當年拍《殺人犯》，導演話：「唔經唔覺都已經係10年前嘅事，嗰次佢做郭富城老婆、演譚真一嘅養母。今次拳手故事喺拍《真》片時已經有，農曆年前會完成，之後就會全力幫《射鵰英雄傳》開工。」 今次周顯揚仲會粉墨登場，客串一名彈base嘅樂手，唔講唔知佢真係識彈。
精選娛聞，喺晒《娛果》 http://fb.com/appledailyent
張鈞甯同導演合作已經係10年前嘅事。
52歲嘅鄔君梅仍然保持得好好。
黑仔同導演係第一次合作。
周顯揚同古天樂早前完成《真》片。