唔講唔知，原來黃百鳴今年已經71歲，齋望樣，肯定冇人估到，腰板挺直中氣十足，當下後生都唔係個皮。

「最緊要個人就講心態。」

呢句說話，就係黃百鳴嘅養生keep fit之道，呢句說話講就易，做其實好難，佢話：「你成日覺得自己後生你就會後生㗎喇，你要keep住咁嘅身體，你一定唔好亂咁食嘢啦，尤其唔可以食消夜，永遠食飯就7分飽囉。」佢反而運動唔算做得好多，因為一星期開足5日工，只有星期六、日可以做吓健身、跑步，旨在收吓肚。

同吳君如減肥名言「冇唔靚嘅女人，只有懶嘅女人」一樣，黃百鳴覺得keep fit冇話做唔到，只係有冇決心去做：「我覺得人呢就冇話做唔到，只要畀自己一個目標就得㗎喇。」至於點解黃百鳴臨老先去健身，故事要講番11年佢套賀歲片《最強囍事》，戲入面飾演大陸有錢佬，為咗追到閻妮，黃百鳴要由原本嘅肥頭耷耳大肚腩造型，變成六嚿腹肌筋肉人，佢話：「嗰時啲工作人員問我『呀老闆，你係咪想做電腦特技？』我話唔使，總之你畀兩、三個禮拜我，我前面要食肥啲啦。總之有兩、三個禮拜時間畀我，就會操fit。」

點知人算不如天算，原本兩、三星期變成只有3日，原因係個個演員撞期，3日後就要拍泳池戲：「但原來呢個世界啲嘢真係逼出嚟，嗰3日我就地獄式訓練自己。嗰日我一除衫一行出嚟，成個crew拍手掌，嗰套戲有得睇我冇得呃你。」佢要keep住身體好，唔需要打針，多啲做運動同埋調節個飲食，黃百鳴話有做機，原因係個肚腩最難收，佢話：「咁我係會做機去收個肚，呢啲手臂、個胸可以做健身。」

原來呢個訪問都被佢當時另一個挑戰：「你知我平時都唔願做訪問，但後來我應承，點解？係畀我自己一個挑戰，因為我接受呢個訪問就可以操fit我自己，有咗今日呢個訪問，我係唔衰得，咁我希望咁嘅狀態唔會令你哋失望啦。」

最港電影大獎投票網址
http://bit.ly/thekongestfilmawards

精選娛聞，喺晒《娛果》
http://fb.com/appledailyent

【最港電影大獎(17)】眾星齊撐 為最港電影大獎打氣
http://bit.ly/2nyfduG
【最港電影大獎(16)】闖台灣地獄成酒仙 黃百鳴爆古仔飲酒得個樣
http://bit.ly/2EyrmHp
【最港電影大獎(15)】籲合拍片改例保港演員 黃百鳴：香港已係內地一部份
http://bit.ly/2DWtZpx
【最港電影大獎(14)】甄子丹原來想做衛斯理 黃百鳴：係我一意孤行話要拍《葉問》
http://bit.ly/2nscx1G
【最港電影大獎(13)】電影黑暗歲月 幪面賊搶《家有囍事》底片
http://bit.ly/2EpjckA
【最港電影大獎(12)】拍《家有囍事》係「被迫」? 星爺原本角色係......
http://bit.ly/2DOhBI7
【最港電影大獎(11)】鄧麗欣入圍最港女演員 迎戰《一念無明》金燕玲
http://bit.ly/2nkj7r0
【最港電影大獎(10)】勁讚哥哥有情有義 黃百鳴：呢個人真冇話可說！
http://bit.ly/2EfBRiB
【最港電影大獎(9)】群星呼籲表揚創作靈魂　齊撐最港電影大獎
http://bit.ly/2nlRvAX
【最港電影大獎(8)】黃百鳴「執」袁潔瑩入行 開新藝寶係因為...
http://bit.ly/2DDNK4N
【最港電影大獎(7)】拍《開心鬼》買樓娶老婆 高志森起飛腳造就杜琪峯上位
http://bit.ly/2E4lAgs
【最港電影大獎(6)】Mark哥原來只係配角 周潤發一句上位做男一？
http://bit.ly/2DuSW6V
【最港電影大獎(5)】黃百鳴棄高薪厚職圓電影夢 創立新藝城靠最佳拍檔
http://bit.ly/2GaOr3e
【最港電影大獎(4)】走過黑暗與光明 黃百鳴論盡電影史明日登場
http://bit.ly/2n5isIW
【最港電影大獎(3)】影帝影后嗌口號 齊撐最港電影大獎
http://bit.ly/2F1ZeeP
【最港電影大獎(2)】最港電影大獎提名揭曉　《空手道》惡鬥《一念無明》
http://bit.ly/2Drwcol
【最港電影大獎(1)】陳真Mark哥葉問齊呼籲 一人一票撐港片
http://bit.ly/2E3u9IB
【最港電影大獎提名】杜汶澤望攞團體獎 劉德華：喜見新導演新演員不斷湧現
http://bit.ly/2n3i8L3