今午沙田馬場會進行十場泥草混合賽，草事使用全闊A賽道，度地儀指數（草地賽道指數）為2.69，掛牌為好地，另外，今日將不會進行壓地。對上一次使用同一移欄賽事是12月8日，當日超過半數頭馬係走外叠轉彎發力照贏，走外欄長驅直進反而可以衝得更順，所以不宜過份側重內檔嘅前置馬。馬匹方面，第七場「劍飛聲」上仗正是於12月8日田A欄賽事入Q，又等番同一移欄上陣必求補中。至於泥地賽事，現時跑道指數為11.4，掛牌好泥，睇番最近一次禮拜六跑泥地係係上季5月11日，當日兩場泥地就分別有「寶寶快車」同「熱爆男」在外叠後追贏馬及入Q，故後上馬可優先留意。