譚杏藍與趙善恆拍拖8年 疫情造就二人首渡除夕
蘋果日報 2020/12/31 17:23
ToNick譚杏藍
ToNick希望公司將PS5留給他們，但被拒絕。
樂隊ToNick聯同歌手譚杏藍（小花）、羅凱玲（Judas）、吳筱茵（Sailor Candy）及戴鎧霖（JD）等，趁今晚除夕夜舉行《On Nine Live》網上音樂會，與觀眾一起迎接2021。
小花與ToNick主音趙善恆拍拖8年，今年才與男友一起倒數迎接新一年，小花說：「咁多年都係分開做倒數活動，好少機會一齊過，今年係第一年，感覺好開心，但我哋冇乜準備，因為我哋聖誕節、情人節都唔會慶祝，生日都只係簡單食飯，喺身邊就夠。」對於有否考慮關係再進一步，小花尷尬說：「冇諗咁多住，我同佢生活開心，暫時冇諗下一步，事業為主，我哋係好夾，如果唔係都唔會一齊咁多年。」小花早前在IG貼出性感照，她說：「自己諗咗兩日先post，我經理人話我以前比堅尼照都post，我會唔會係老咗唔夠膽露肉，而男友一向唔會阻止我，我只會問佢靚唔靚。」
ToNick表示，今晚除夕倒數除了歌手唱歌表演，亦有玩遊戲抽獎等環節，ToNick指觀眾可以隨意課金，扣除成本可以讓製作團隊有收入，而其公司亦安排了PS5、手錶等作為是夜抽獎禮物，他們笑言：「我哋求公司留番部PS5，但公司唔肯，怕影響我哋歌曲製作進度。」
樂隊ToNick聯同歌手譚杏藍及羅凱玲等，今晚舉行網上音樂會，與觀眾一起迎接2021。
小花笑言與趙善恆拍拖8年，今年才跟男友一起倒數。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！