【新增動新聞】
【新增內容】
日本「怪物」繼續不敗！現年24歲的井上尚彌上周六喺橫濱文化體育館，第三回合將法國拳手Yoan Boyeaux技術性擊倒（T.K.O.），七度衞冕WBO超蠅量級世界拳王，職業生涯戰績亦改寫至15戰全勝，當中13次為K.O.。

值得一提嘅係，井上尚彌細佬井上拓真同日亦有出戰，呢位22歲拳手喺雛量級賽事對同胞益田健太郎，打足10回合後憑點數勝出，戰績刷新至10戰全勝。至於拳四朗喺同日嘅WBC輕蠅量級世界拳王衞冕戰對多明尼加嘅柏路沙（Gilberto Pedroza），頭三回合都以穩守為重，但第四回合就突然搶攻，將柏路沙迫向繩角再瘋狂出拳，最終將對手T.K.O.，職業生涯12戰全勝。

---------------

當香港拳王曹星如喺10月擊敗河野公平之後，唔少拳迷都期待呢位「神奇小子」可以同最強對手、綽號「怪物」嘅井上尚彌上擂台一較高下。

井上周六晚就會同29歲法國拳手Yoan Boyeaux交手，力爭七度衞冕WBO超蠅量級世界拳王；井上為咗備戰呢場拳賽，由上個月起就同妻兒分開住，佢就發表勝利宣言：「要攞到成為爸爸後嘅第一勝！」

職業生涯14戰全勝、現年24歲嘅井上早前更加透露，今場係自己最後一次打超蠅量級賽事，暗示下年就會「升呢」挑戰雛量級：「今場可能係我最後一次打WBO超蠅量級世界拳王衞冕戰。不論係身體上抑或心理上，我都覺得自己處於最好嘅狀態，我自信有能力交出好表現，我喺下年會嘗試挑戰第三條世界拳王金腰帶。」

假如「怪物」升呢，咁幾時先會同星如交手？對此曹星如嘅總教練劉志遠表示，待井上尚彌決定後再作評論。

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM