好多藝人都係拍電視劇出身，之後就轉去拍電影，但都有人調轉，係拍完電影再拍電視劇，講緊就係黃浩然喇，但都唔係壞事，因為依家佢喺電視界越嚟越紅。

當年黃浩然第一套拍嘅電影，就係《十萬火急》，當年佢讀大學嘅時候，做過雜誌model，之後被杜琪峯導演睇中，第一次拍戲就同劉青雲、方中信等等勁人對戲。之後仲有份拍《P.T.U.》，佢喺戲中都有好好嘅表現。

講到最令人認識黃浩然嘅一套電影，一定係2000年嘅《孤男寡女》，佢演靚仔有錢嘅Roger Young，當時真係唔少人都想有Roger咁嘅男朋友，不過最後鄭秀文都係揀咗劉德華，男女主角嘛。