周五作客阿仙奴前，利物浦派出菲臘比古天奴、羅拔圖法明奴及阿歷士張伯倫3大猛將，去到默郡一所小學探訪一班學生，為佢哋提早慶祝聖誕，仲趁班小球迷唔知情下喺身後突然閃出嚟，畀一個聖誕surprise大家。

班學生會一開始坐喺長凳，同佢哋個班主任講自己鍾意嘅紅軍球星，而呢個時候，古天奴等三人就會靜悄悄咁喺身後走入課室，然後就拍下對方或坐咗喺佢隔離，等對方覺得好驚訝，當中有個小妹妹，就畀古天奴觸碰後嚇一嚇，但見到偶像當然好開心喇。

由於張伯倫今季先由阿仙奴加盟，加上表現麻麻，當然冇巴西孖寶咁受歡迎；所以當一位小球迷講出佢嘅紅軍偶像時，又古天奴、法明奴、沙迪奧文尼同穆罕默德沙拿等，係冇數到張伯倫，後者就好厚面皮咁問對方點解冇佢，而對方好天真咁有嗰句講嗰句，唔知係咪見之前張伯倫喺記者面前幫過古天奴就去向問題解圍，話覺得張伯倫係大好人，但就冇話佢係好球員，搞到都有啲尷尬。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM