後生仔即係後生仔，都係急啲！這出自電影《賭神》的金句，至今還常被引用，不論講笑、玩認真都啱用，用在跑馬亦啱，形容賭仔、馬仔都一樣得！

雖云拳怕少壯，跑馬卻不一定，每個時段、每些變化，可以相反。

早兩季的季初，基本由壯年馬支配大局，以為老馬利季初，這支歌仔已無得再唱，豈料今季來個大逆轉，六歲以上的中年老馬，竟然又再發威，已完成四次賽事，跑咗36場賽事，六歲以上馬贏了17Win。

是否各馬房，因應長馬季改變策略，將手頭上年青馬，留以有待，調轉將中年馬作為先頭部隊，因為看到今季初不少場合，確出現大批新兵太新未到位，或許亦是另一原因吧！

不過，壯年馬仍佔多數，尤其是經常強調的一批「七月兵」，當然不致淪落到捱打，單看頭馬比例維持六、四之分，便是證明。

捱打的反而是最後生的三歲馬，用後生仔始終係後生仔，貶低牠們也算貼切，其實此等狀況已非今季的事，近幾季頭兩、三個月，三歲馬的成績確實頗為差勁，今季也有「極速駿馬」、「鄉村瑰寶」成熱門敗陣，縱使未來或會有例外，也不覺得可惜，輸多過贏，那須為一棵樹，放棄成個森林！