今日又係偉大祖國立國五十四周年嘅光輝日子。金紫荊廣場，晴空萬里，愈填愈窄嘅維港，紅旗飄飄，偉大的中國共產黨，驅逐列強，打倒帝國主義，不但解放人民、婦女亦翻身，今日嘅十三億人民揚眉吐氣，婦女頂起半邊天，作為一個中國人，心情又點會唔歡欣激動？
劇本念完，言歸正傳。呢兩日，二百八十幾個日本黃軍，喺珠海包起一間酒店，狎褻三百名支那靚妓，事件曝光，上升到外交層次，內地網民大爆炸，紛紛破口大罵㗎佬辱華，國家外交部亦焗住向日方嚴正交涉，要求日本政府好好教育吓啲國民，唔好嚟中國嫖妓犯法。

日本好識做
日本女外相川口順子，亦好識做，發表聲明，不但並冇呼籲中國政府亦應該好好教育吓啲女國民唔好做雞，而係對㗎仔嘅淫行，表示遺憾，話係對女性嘅侮辱（指嘅係全人類嘅女性，而唔係對支那一國嘅婦女喎，證明日本政府嘅視野廣闊好多）。
不過，𠵱家國家行緊市場經濟，連香港嘅親中領導人霍老等都教訓港人：香港係一個經濟城市，唔好講咁多政治。喺八方同香港人眼中，做雞，就只認銀紙，唔識國籍。
㗎仔包起成間酒店玩狂野嬉春，係好事嚟，啲北姑賺得肉金多，做完工夫，跟住參加自由行，嚟香港買金買靚衫，啲日圓打個轉，就俾香港人賺埋，講經濟效益，無謂講咁多政治，㗎仔酒店炮戰，你就猛講八年抗戰，啲思想會唔會落後咗少少？
㗎仔來華叫雞，係咪一定就係辱華呢？日本佬嘅尺碼，喺世界各國嘅男士

民主黨涂謹申打電話畀八方，話國家咁高調警告日本，話嫖娼犯法，會唔會係間接警告阿董，好約束吓啲香港人，唔好北上深圳珠海叫咁多雞，以免傷害中國人民嘅感情？
阿涂咁諗，都未必冇道理。又係喎。㗎仔已經咁樣公然淫辱我國啲花姑娘激起全國公憤，國家亦同時瞓身「屍爬」，猛咁支援我哋，呢個時候，港男若果重群起北上叫雞，將來自大連、哈爾濱、青島、四川嘅各地女同胞狎躪至盡，係咪又恩將仇報咗少少呢？

港人雞照叫
因此，香港男人應該要自律，冇錯係應該雞照叫，不過應該限於深圳河以南，留港消費，振興經濟，慶祝國慶，當然可以盡情，桑拿、揼骨、叫雞，一吓一吓係咁挺董，並加大力度、硬度，咁香港經濟先至會旺汁旺財㗎。
（圖）隨着開放政策，內地娛樂行業蓬勃。



傳真︰2623-9278
電郵︰[email protected]