【仲有半年捱】林敏驄玩謝賀歲片演員 泰迪羅賓醒目還擊
賀歲片林敏驄如珠如寶
賀歲片戰情一向都相當激烈,林敏驄就「報名」參加19年嘅賀歲片大戰,佢首次執導賀歲片《如珠如寶》,早前同張繼聰、林盛斌(Bob)、泰迪羅賓圍讀,相當百厭搞氣氛。
阿驄問張繼聰過年睇乜戲時,張繼聰用潮州腔話:「因為係林敏驄第一次做導演,仲有我張繼聰主演,仲有好多其他演員一齊做。」佢仲提到奇洛李維斯、里安納度狄卡比奧呢啲國際巨星,不過就繼續講:「都可能⋯⋯應該唔會做!」
阿Bob去緊廁所,阿驄亦都突襲問過年睇乜戲,阿Bob邊小便邊答:「《如珠如寶》。」阿驄又問阿Bob:「你下便揸住嗰啲咩嚟?」阿Bob未反應得唔切,阿驄就搞笑話:「《如珠如寶》!」
最後輪到製泰迪羅賓,阿驄話過年有套戲講「侏儒」好啱佢,泰迪羅賓洞悉到阿驄食咗字,反擊話:「哎!《如珠如寶》呀!唔好抽中間兩個字先得㗎!儍豬嚟㗎!你好高大咩?」
精選娛聞,喺晒《娛果》
http://fb.com/appledailyent
泰迪羅賓聽到「侏儒」兩個字,就知道阿驄講緊嘅係《如珠如寶》中間兩個字。