當年今日
關於我們

  「三梁」成風雲猛男 - 李八方

蘋果日報 2006/09/24 00:00


泛民主派幾個立法會議員「三梁」梁家傑、梁耀忠同梁國雄,以及張超雄,噚日以嘉賓身份,出席由「爭取全民退休保障聯席」喺旺角街頭發動嘅「全民養老金,人人都有份」簽名運動。呢個簽名運動為期兩個月,要求煲呔立即籌辦及推行「全民養老金」。
「爭取全民退休保障聯席」喺7月提出呢個方案,為迎接人口老化而未雨綢繆。八方覺得,搵「三梁」做嘉賓真係着時,事關佢哋最近都成為新聞人物,一定受到街坊街里注意。首先,公民黨嘅梁大狀好有機會單挑煲呔角逐特首;梁耀忠日前被人用寄刀片威嚇要報警;至於長毛前幾日響禮賓府被抬走,噚日出席呢個活動時又畀人頂頭槌……真係有晒宣傳效果呀!