【被困武漢】王家淇自發做義工獲發劣質口罩 助村民每隔三日採購食糧
蘋果日報 2020/02/22 12:24
義工湖北舒淇王家淇
- 出動送食物。
- 劣質口罩太薄。
三級片《有罪》的女主角、「湖北舒淇」王家淇，自從1月13日由深圳返湖北家鄉過年，湖北全省封城，她即滯留恩施，上周連她居住的全村都不准外出，王家淇申請了做義工，幫忙村中每戶運送物貨，她今日接受《蘋果》訪問時說：「全村居民不准外出，我喺村裏做義工，所以就同村長同義工一齊，每隔三天便每家每戶送上蔬菜和生活用品。食物用品是村民自費，佢哋喺群組訂購，用微信付錢，我哋收到訂單就出發到超巿採購，至於老人家不會用手機，我哋上門問佢落單，送貨才收錢。」
王家淇表示反正留在村中不可返深圳，她跟約10位同村年青人一齊做義工，發揮互助精神，幫助村民補充食糧及家居物資，她續說：「每一位義工每天可分配到一個口罩，不過口罩的質料好薄，只係戴一朝就會爛。」王家淇的姪女是武漢的前線醫護人員，姪女仍是每天都忙於照顧留院的肺炎病人，王家淇有空就跟姪女通短訊打氣，她指姪女透露壓力大，曾發惡夢自己「中招」，還帶了病毒回家。