早前傳出皇家馬德里球星基斯坦奴朗拿度（C朗）再做父親，呢名葡萄牙國腳所選嘅代母已經喺美國為佢誕下一對龍鳳胎，男嬰名字為「Mateo」、而女嬰名字是「Eva」。最新消息就指C朗嘅媽媽已經去咗美國睇對孫仔孫女，仲話佢哋就快會同C朗見面。對於呢啲傳聞，剛喺《福布斯》最高薪名人中以9,300萬美金收入（約7.25億港元）排第五嘅C朗就冇正式回應，佢已跟葡萄牙國家隊報道，備戰喺星期六開波嘅洲際國家盃，而喺操練所見，佢成日笑到見牙唔見眼，唔通係人逢喜事精神爽？