梁漢文大陸商演冇內褲着 急買「紙底褲」變香艷「紫底褲」
蘋果日報 2020/12/07 16:51
梁漢文
武漢肺炎爆發後，不少藝人停工近1年，人人都急於返大陸開工搵錢，在10月中第4波疫情未爆發時，梁漢文（Edmond）亦把握時機，返回大陸進行隔離14日，然後投身工作至今，在大陸和澳門兩邊走參與遊戲節目、演出及帶貨等，連上月初49歲生日都在大陸度過。Edmond 謂做歌手來講，遊戲節目玩得多，變身網上直播唱歌又帶貨都是第一次，最初公司叫他參與時，也有壓力，怕自己不及網紅吸引觀眾。
已經留守大陸2個月，昨晚Edmond在社交平台發文分享出外工作唔記得帶底褲的趣事，被網民取笑。Edmond指去到貴州演出：「乜都記得帶，就係唔記得帶底褲，於是助手幫我落去便利店諗住買『紙底褲』頂住先...」之後一輪妙問妙答發生，店舖伯伯不明白甚麼是「紙底褲 」，經再三解釋後還是不懂，伯伯卻說：「哦！紫色嘅底褲。」Edmond指：「最後我助手買咗條正常底褲上嚟，宇宙最強甄子丹賣廣告嗰隻畀我，紫色嘅。」最後還PS：「唔好話俾人聽我聽日着住嗰條底褲係紫色嘅！」
發文還配以一個以手指掩蓋嘴鼻的圖片，引起網民無限想像，紛紛留言好有畫面，今次明顯是兩地文化差異，令Edmond要着紫底，有網民提點：「應該叫即棄內褲或一次性底褲先明白。」、「有得着好過無啦！家陣紫色好失禮你咩！」Edmond親回：「唔好咁講，鍾意添。」
有網民甚至取笑Edmond平日有「真空」習慣？他笑說：「唔係呀，我都唔知自己點解咁低能，哈哈哈，天氣凍要執好多唔同衫去表演，又趕喎，又冇老婆喺身邊提我.....帶漏係正常。」為了工作，Edmond已經離家近兩個月，他坦言十分掛念家人，經常都有電話facetime 跟家人及老婆聯絡，叮囑他盡量不要外出，小心保重身體。
梁漢文不用開工時會外出搵食。（IG圖片）
梁漢文為了工作，上月初生日在大陸和工作人員一齊過。（IG圖片 )
梁漢文到貴州工作竟冇帶內褲，買紙底褲失敗。（IG圖片）
梁漢文連直播拍賣都有份參與。
梁漢文沒有太太Karen在旁照顧即錯漏百出。（IG圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！