33歲中國跨欄名將「欄王」劉翔同撐杆跳高運動員吳莎婚禮去咗斐濟舉辦婚禮有網友在微博上流出劉翔與吳莎婚禮現場照，僅有少數親友出席。

兩人喺海灘交換戒指，深情相擁，仲穿上當地服飾，好動嘅吳莎著上婚紗與劉翔一齊踩單車。兩人於今年1月9日公開戀情，曾一齊上大陸真人騷節目晒恩愛。之不過劉翔教練孫海平就向大陸報道稱對二人結婚並唔知情，而吳莎教練王萬培就笑言劉翔同吳莎只係去影婚紗相。

劉翔上年突然喺微博宣佈因性格不合與葛天離婚，結束九個月嘅短暫婚姻，話咁快劉翔就翻撻舊愛女友吳莎，二人更不時高調晒愛，最近更多次被發現佢哋無名指已戴上疑似婚戒。估唔到「欄王」劉翔咁快再婚!

「劉翔-LX工作室」微博就婚事作回應「辟謠：拍結婚照…拍結婚照…拍結婚照!」