英國男神班尼狄甘巴貝治（Benedict Cumberbatch）一向受粉絲歡迎，但最近就有指佢出席一個電影活動，今次活動，粉絲若要影相簽名，就要收錢，不過依然群情洶湧，令佢兩日就大賺24萬英鎊（約250萬港元）！

據《The Sun》報導，41歲嘅班尼狄甘巴貝治7月嘅時候出席於倫敦舉行嘅「London Film and Comic Convention」，粉絲要同男神合照，就要俾75英鎊（約776港元），要簽名呢，就85英鎊（約880港元），再加埋聽男神演講，就要俾多25英鎊（約260港元），認真唔平，不過粉絲們似乎唔介意，令男神兩日內齋簽名影相就賺咗24萬英鎊（約250萬港元）。