【韓流】韓國#metoo 男偶像歌手涉嫌性侵同鄉
#MeToo
韓國演藝圈近日掀起「#metoo」反性侵、性騷擾運動,韓版《步步驚心》男星趙敏基、韓片《與神同行》男星吳達洙等演員均被爆料曾涉性騷擾,今日再有男偶像歌手A某傳出曾涉嫌性侵同鄉。
韓媒《體育首爾》今早報道,女性B某向《體育首爾》爆料,指自己6年前曾遭偶像歌手A某性侵,據知A某係2010年代初期出道、於音樂綜藝節目中獲肯定歌唱實力嘅組合主唱。
B某表示自己跟A某係同鄉,由高中時期就認識,好似姐姐跟弟弟嘅關係。2012年8月,B某跟三名好友去首爾玩並跟A某見面,佢哋一齊飲酒,B某表示佢跟同場另一朋友C某,於飲酒後遭A某性侵。事後,A某向周圍嘅人表示係B某自願發生關係,未有就事件感到抱歉。
而A某所屬事務所就回應:「完全唔係事實,經確認後,當日二人並冇發生過關係,當時翌日早上A某更為B某送行。之後幾年內,於首爾或係於故鄉跟朋友見面時,都冇提起過呢件事。二人一段時間都冇聯繫過,直到前年,A某收到B某要求佢就散佈傳言一事道歉嘅短訊,當時A某已告知對方,並唔係自己散佈傳聞。另外,關於性侵C某一事,亦完全唔係事實。」
另外,有網民猜測A某係男團B1A4嘅燦多,燦多所屬事務所立即強烈否認。
更多韓流,喺晒《娛果》
http://fb.com/appledailyent
有網民猜測A某係B1A4嘅燦多,燦多方面已強烈否認。