港台節目《視點31》去年11月請來杜汶澤及陳百祥對談，成為全城熱話，下周二再接再厲請來黃秋生及何君堯對談「警暴」，昨日秋生回覆《蘋果》說︰「港台打畀我助手問有冇興趣，我話有利君雅就有。對方問我想搵邊個，我又冇特別想搵邊個，提咗啲名畀我。老實講我才疏學淺，上去混吉，當我爭取曝光，同埋我想見利君雅，我仰慕佢。」秋生覺得這次是跟何君堯各自表達意見，不要當成鬥爭或比賽，但他表示︰「講到警暴一定講到『元朗7.21』啦。」

「佢好戲過我」

秋生又抵死地說一定會問何君堯是否懂功夫，皆因他在屯門遇襲時反應超快︰「嗰個傷口係愛的一吻，點知同對嗰個人乜嘢關係。」秋生透露一切平常心，又讚何君堯：「佢係用緊情緒去獲得想要嘅嘢，佢係控制緊情緒，佢EQ高，隨時好戲過我。」何君堯上次跟立法會議員朱凱迪上節目時拍枱走人，秋生笑說︰「佢拍枱走驚乜，佢拍我走就驚箒，我信佢係斯文人。」

杜汶澤去年在該節目舌戰陳百祥，他昨日回覆《蘋果》時表示︰「我好佩服秋生哥，第一秋生哥識嘢多過我，江湖地位重過我，所以對佢好大期望。自問我冇咁嘅本事，對呢啲人毫無抵抗能力，呢啲咁無恥嘅人，我只可以打X佢，接受唔到面對面同佢講一句嘢。」
採訪：李森