花旗股市前晚微跌收市，港股噚日亦在高位徘徊，係咁意跌5點收市，兩地股市有個共通點，都係待變格局。
大家記緊要留意住啲成交，股市炒咗上嚟，如果成交唔可以keep住增加，轉個頭好容易撻番落嚟，噚日港股成交又縮番到519億，動力好似唔多夠，花旗股市仲未得，大家揸貨過夜嘅量唔好咁大。

港鐵C輪13688：港鐵（066）噚日收25.75元，升幅唔算大，但係向上個勢冇變，破到26.50元就睇28.30元，可以買少少港鐵C輪13688。隻輪昨收21.7仙，有效槓桿率6倍，正股升上28.30元，13688應該喺36仙樓上，正股跌穿24.80元就沽咗隻輪止蝕。