岑麗香同陳偉琪今日去咗將軍澳出席「街籃當入樽」開球禮，香香知道記者對好姊妹鍾嘉欣生B一事感興趣，佢就似乎做好準備而嚟，香香話：「唔知呀！等佢自己宣佈啦，我未有期度到，陪唔到佢，咩日子作為朋友係唔會爆嘅。無論仔定女，都希望佢肥肥白白，做迷你版米芝蓮。」

同嘉欣BB咁好姊妹，問佢會唔會想做BB嘅契媽？香香說：「係Linda選擇，我真係唔介意，但係唔可以咁厚面皮咁問，如果唔揀我咪好hurt。」

見香香最近瘦咗好多，佢話因為放緊假，多咗時間做運動啫，佢仲話讀小學時係籃球隊隊員，但到中學因身高唔及其他同學，所以就轉咗去做球隊嘅經理人，佢仲笑專責做阿四，負責斟水、執波等工作。