鐵皮車、金髮洋娃娃、換衫公仔紙、「啪啪紙」子彈槍……你玩過未？近年香港人愛懷舊，著重本土情懷，相信這些50至80年代的產物勾起不少港人回憶。幾名本土懷舊收藏家本周六（4月2日）起一連兩日舉辦懷舊市集，將收集得來的逾300件「心頭好」與大眾分享，希望推廣香港歷史，同時向市民細訴本土文化。

記者張文鈴

香港在50年代起發展輕工業，生產玩具、時鐘等出口到世界各地，香港懷舊收藏家StanleyHo說，「香港早期係一條漁村，50年代有大量廉價勞工、資金和技術由大陸南移」，加上1932年簽訂渥太華協議，容許英國各個殖民地，互相自由通商，「係天時地利人和之下就發展輕工業」。

他表示，60年代以前的玩具因簽署英聯邦國家互免關稅做貿易，所以產品會寫上「EMPIREMADE」，「其實好多人都唔知EMPIREMADE係香港製造，反而到60年代之後先改做MADEINHONGKONG」。他續指，現時坊間出現「EMPIREMADE」的玩具已經買少見少，香港地小人多，玩具爛了就扔，「家買到完整嘅都係以前啲貨尾賣淨」。

Stanley稱，香港早期製造玩具的物料，主要是塑膠和鐵皮，部份使用的顏料可能會有害，「呢啲玩具家唔會再出得到，因為唔會符合玩具安全條例，好似架鐵皮車咁，車頭啲角位尖，好易整損小朋友」。有部份玩具包裝精美，上面寫上英文字，而洋娃娃又是金頭髮的外國人樣，他表示，這些玩具多數是出口到英國、歐洲等，「就好似架紅色巴士係同英國以前啲巴士一樣，上面又寫住啲英文，相信係出口到英國」。

至於本地小孩常玩的經典玩具，莫過於是「換衫公仔紙」，他說，「呢類多數係俾女仔玩，因為當時香港唔太富裕，小朋友玩具唔多，即使係一張換衫公仔紙，已經非常吸引！」而男仔多數愛收集兵器，小小的一袋「膠劍仔」內藏不同兵器，包括箭、劍、斧頭等，除了收集之外，亦會當作籌碼使用，「好似比賽射波子，輸個邊會將兵器送俾對方」。不過，到70年代末，因內地開放政策，不少工廠北移，輕工業沒落。

Stanley表示，要收集有關收藏品並不容易，因輕工業發展時期不長，加上大多玩具已出口或被人扔棄，好多時是可遇不可求。他稱，有時會在夜冷店尋寶或由有心人送贈。