【嬲唔落】林芊妤被囝囝無情忽視 老公嘲笑冇晒吸引力
蘋果日報 2020/03/06 12:34
林芊妤親子運動翟伯伯
林芊妤（Coffee）不時在網上分享生活點滴，又拍片教大家做運動及瑜伽，吸引逾70萬followers。今日Coffee在IG分享與囝囝翟德彥（翟伯伯）做親子運動時的搞笑事。
躺在鏡頭前示範的Coffee，一身紅色運動裝，原本非常吸睛，但仍不及亂入的翟伯伯搶鏡。正準備做平板運動的她，叫囝囝騎到背上加強鍛鍊，但戴住米白色鴨舌帽、一身家居服打扮的翟伯伯，完全無視Coffee的召喚，只是不停在鏡頭前走來走去、揈下揈下腳仔。鏡頭外，Coffee老公翟志榮竟然搭訕笑她：「你冇咁嘅吸引力呀！」激到她沒好氣地說：「都估到你會咁講。」
後來，換上爸爸做運動時，拎住小枕頭的翟伯伯，主動坐在爸爸背上，秒速達成目標。難怪被囝囝「無情」整蠱的Coffee，在IG貼文寫道：「我輸咗。啲人話生女係老公前世情人，但點解生個仔都係要黐住老公？唔通生仔係老公前世工人。」加上「風水輪流轉」的hashtag。
Coffee，陰功豬。
撰文：盧妹
翟伯伯掛住揈腳仔，完全無視媽媽Coffee的呼喚。 （IG圖片）
鏡頭外的老公笑Coffee冇吸引力。 （IG圖片）
爸爸出馬，不費吹灰之力便成功。 （IG圖片）
Coffee不時分享家庭樂，一家三口非常幸福。 （IG圖片）