狄龍、蘇玉華、李思捷噚晚係旺角出席《一家大晒》優先場，狄龍話冇邀請家人出席，但太太陶敏明就有到，狄龍解釋：「本來係一個好小聚會，冇話有記者。」

狄龍稱今次拍呢部戲都係一個「偶遇」，也是因為李思捷一眶熱誠，同埋知道個題材係講溫馨、過年上映嘅戲，所以好有興趣：「希望一家人睇完開心團結啦，我一向演大俠、皇帝、大哥，呢啲反派、父子鬥嘴未試過，而今次係同元秋合作，七小福剩係未同元秋合作過，今次係一個圓滿。」

狄龍啱啱喺上海一個漁港拍咗一套《魚腥少女》：「嗰度零度，民宿一日三餐，仲送埋糖水，係好好體驗。」早前狄龍拍戲中暑，阿仔譚俊彥就叫佢退休湊孫，但狄龍充就話：「『退休』呢兩個字好抽象，唔通一日坐喺屋企餵狗咩？坦白講，我都72歲，所有嘢都隨緣隨遇，隨起隨落，電影係需要新血，我哋都係有責任推動下，自己都想嘗試其他角色。」

更多娛聞，喺晒《娛果》
http://fb.com/appledailyent